Il Giardino dell' Erba Voglio

Mazza da tamburo

Agostino Barletta

Nuatri fanti picìn,

figgi de contandìn,

tűtti a cugì e  uive,

pé mangià, pé vive.

In cu e man zeè

in cu fréddu ai pé,

e braxe in du paiő

pé scadàse in pò.

A l’è ‘na vita magra

in stà tèra agra,

difìsile truvà

u tèmpu pe’ zűgà.

Quande u cavagnu u l’è pin

anemmu pe madunin,

curimmu in sű a cianétta

a sércà tra l’erbetta

i funzi dal’udù de nisőe,

grandi cume de’ rőe.

Masse da tambűu

da sunà  tra u cièu e u scűu,

pé fa’ ‘na fàina gianca

da vende pé ‘na palanca,

legera cùme ‘na ciűmma

savuìa cùme ‘na crémma

e turnemmu a ca cuntènti

alégri cùme fanti.

 ("Ana’ pe’ madunin, Fontona, gennaio 2016)